USINDIKAJI WA MAPAPAI NA MAPARACHICHI

Kusindika Mapapai

Mapapai husindikwa kupata bidhaa kama juisi, jamu na matunda makavu.

 Kusindika mapapai kupata juisi

Vifaa

• Visu vikali visivyoshika kutu

• Vyombo vya kuoshea matunda

• Mashine ya kusaga matunda

• Kipimo cha sukari (Refractometer)

• Chupa zenye mifuniko imara

• Saa

• Lebo na lakiri

• Kipima joto

• Sufuria

• Jiko

• Mwiko

• Vitambaa au chujio safi

Mali ghafi ya kutengeneza lita tatu za juisi.

• Mapapai mawili ya ukubwa wa kati

• Sukari gramu 100

• Juisi ya malimau kikombe cha chai kimoja

• Maji safi lita tatu

Jinsi ya kusindika

• Osha matunda kwa maji safi na salama

• Menya kuondoa maganda na mbegu

• Kata katika vipande, kisha saga kwa kutumia mashine kupata rojo.

• Ongeza maji ya ndimu au malimau kupata ladha. Katika kila lita moja ya rojo ya mapapai

weka kikombe kimoja cha chai cha juisi ya ndimu au malimau ili kuongeza ladha na kuboresha

uhifadhi. Ongeza maji safi kiasi cha lita tatu.

• Chuja kwa kutumia chujio safi

• Chemsha mchanganyiko huo kwa muda wa dakika 20 ukiwa unakoroga katika joto la nyuzi

80 hadi 90 za Sentigredi.

• Ipua

• W eka juisi kwenye chupa safi zilizochemshwa ikiwa ya moto kisha funga kwa mifuniko

imara.

• Panga chupa kwenye sufuria kisha weka maji kufikia nusu ya kimo cha chupa.

• Chemsha chupa kwa muda wa dakika 20 ili kufisha bakteria na vimelea vingine.

• Ipua chupa na acha zipoe

• W eka lebo

• H ifadhi katika sehemu safi yenye hali ya joto lisilozidi nyuzi 25 za Sentigredi na isiyo na

mwanga mkali.

Matumizi

Juisi hutumika kama kinywaji au kiburudisho na ina virutubishi vya vitamini C, na A kwa wingi.

Kusindika mapapai kwa kukausha

Vifaa

• Kaushio bora

• Mashine ya kufungia au mishumaa ama jiko la mkaa

• Meza ya kukatia

• Kisu kisichoshika kutu

• Beseni la kuoshea

• Mifuko ya plastiki au chupa za plastiki au kioo

Malighafi/Mahitaji

• Mapapai yaliyonza kuiva

• Maji ya malimau au ndimu

Jinsi ya kutengeneza

• Osha mapapai yaliyoiva vizuri na yasiyo na magonjwa wala mikwaruzo.

• Menya kwa kutumia kisu kikali kisichoshika kutu

• Kata katika vipande visivyozidi urefu wa sentimita kumi na unene wa milimita tatu. Ukizidisha

ukubwa vipande havikauki vizuri na ubora wake hushuka.

• Viweke vipande hivyo ndani ya maji ya malimao/ndimu kwa muda wa dakika moja hadi mbili

ili kudumisha rangi ya papai na kuongeza ladha.

• Panga vipande kwenye trei za kaushio

• Kausha kwa muda wa siku tatu hadi nne kutegemea hali ya jua.

• Fungasha kwenye mifuko ya plastiki au chupa za kioo safi na hifadhi kwenye sehemu kavu,

yenye mwanga hafifu na safi.

Matumizi ya mapapai

Papai lililoiva

• Huliwa kama tunda

• Hutengenezwa jamu na juisi

• Hukaushwa na kuliwa kwa kuchanganywa kwenye saladi ya matunda au keki

• Hutia ladha kwenye aisi krimu

Papai bichi

Utomvu wa papai bichi hutumika katika matumizi yafuatayo:-

• Kutengeneza peremende, dalia, urembo na madawa ya kulainisha tumbo

• Huwekwa kwenye nguo wakati wa kutengenezwa ili isifupike.

• Hulainisha nyama

• Hulainisha ngozi

Papai bichi pia hutengenezwa:

• Mboga

• Achali.

Kusindika Maparachichi

Kusindika maparachichi kupata guakamole

Vifaa

• Mashine ya kusaga rojo

• Bakuli ya kuoshea maparachichi

• Kisu kikali kisichoshika kutu.

• Chupa za kufungashia zenye mifuniko imara

• Lebo

Malighafi

• Maparachichi mawili

• Kitunguu maji kimoja

• Pilipili kali moja

• Juisi ya limao kidogo

• Giligilani ya majani 25

• Chumvi na pilipili manga kidogo.

• Maji safi na salama.

• Nyanya moja kubwa.

Jinsi ya kutengeneza

• Menya kitunguu

• Kata kitunguu na pilipili kali

• Osha maparachichi na giligilani

• Saga gilgilani kwenye mashine ya kusaga

• Ongeza maparachichi, juisi ya limao, nyanya, pilipili, kitunguumaji. Chumvi na pilipili manga.

• Saga hadi mchanganyiko uwiane.

• Fungasha guakamole kwenye chupa za kioo

• W eka lebo

• Hifadhi mahali peny baridi.

Matumizi

Hutumika kama sosi baridi pamoja na vitafunwa kam mikate au pamo